काठमाडौं । ललितपुरस्थित कारागार कार्यालय नख्खुबाट फरार भएका बलात्कार मुद्दाका प्रतिवादीलाई प्रहरीले पक्राउ गरेको छ।
पक्राउ पर्नेमा दोलखाको शैलुङ गाउँपालिका–७ फस्कु घर भएका २२ वर्षीय अनिष भुजेल उर्फ अशोक रहेका छन्।
जिल्ला प्रहरी परिसर ललितपुरका वरिष्ठ प्रहरी उपरीक्षक होविन्द्र बोगटीका अनुसार भोलढोका बस्दै आएका भुजेललाई आइतबार साँझ लगनखेल क्षेत्रबाट नियन्त्रणमा लिइएको हो।
जेनजी प्रदर्शनका क्रममा भदौ २४ गते उनी नख्खु कारागारबाट फरार भएका थिए। १३ वर्षीया बालिकामाथि जबरजस्ती करणी गरेको अभियोगमा भक्तपुर जिल्ला अदालतले उनलाई १२ वर्ष कैद र पाँच लाख रुपैयाँ जरिवानाको सजाय सुनाएको थियो।
पक्राउपछि उनलाई पुनः थुनामा राख्न नख्खु कारागार पठाइएको प्रहरीले जनाएको छ।
प्रकाशित मिति: ४ फाल्गुन २०८२, सोमबार
प्रतिक्रिया