काठमाडौं । दुर्गा प्रसाईं फेरि पक्राउ परेका छन्। प्रहरीका अनुसार उनलाई सोमबार साँझ भक्तपुरस्थित आफ्नै निवासबाट नियन्त्रणमा लिइएको हो।
जिल्ला प्रहरी परिसर काठमाडौंका एसपी पवन भट्टराईले प्रसाईंलाई पक्राउ गरी परिसरमा ल्याइएको जानकारी दिएका छन्। उनीमाथि निर्वाचन बिथोल्ने खालका अभिव्यक्ति दिएको आरोप लगाइएको प्रहरी स्रोतले जनाएको छ।
यसअघि पनि प्रसाईं २३ माघमा काठमाडौंको दक्षिणकाली नगरपालिका–चाल्नाखेल क्षेत्रबाट पक्राउ परेका थिए। त्यसपछि उनी २५ माघमा हाजिरी जमानीमा छुटेका थिए।
पछिल्लो पटक पुनः सोही प्रकृतिको आरोपमा उनलाई फेरि नियन्त्रणमा लिइएको प्रहरीले जनाएको छ।
प्रकाशित मिति: ४ फाल्गुन २०८२, सोमबार
प्रतिक्रिया