रौतहट । रौतहटको गौर नगरपालिकामा आज एक यात्रुवाहक बस दुर्घटनामा परेको छ। गौरबाट चन्द्रपुरतर्फ जाँदै गरेको ना ८ ख ८७६३ नम्बरको बस अनियन्त्रित भई सडक किनारमा रहेको बिजुलीको पोलमा ठोक्किएको हो।
दुर्घटनामा बसको अगाडिको भागमा क्षति पुगेको छ भने पोल पनि ढलेको छ। तर बसमा सवार सबै यात्रु सुरक्षित रहेका छन् र केही यात्रुलाई सामान्य चोटपटक मात्र लागेको छ।
घटना भएपछि स्थानीय बासिन्दा र नेपाल प्रहरीको टोली तुरुन्त उद्धारका लागि खटिएको थियो। बसमाथि बिजुलीका तार खस्ने जोखिम देखिएपछि थप क्षति हुन नदिन तत्काल विद्युत् आपूर्ति बन्द गरिएको थियो।
प्रारम्भिक अनुसन्धान अनुसार बस अत्यधिक गति भएका कारण अनियन्त्रित भएको हुन सक्ने अनुमान गरिएको छ। प्रहरीका अनुसार घटनाबारे विस्तृत विवरण आउन बाँकी छ र थप अनुसन्धान जारी रहेको छ।
प्रकाशित मिति: ८ फाल्गुन २०८२, शुक्रबार
प्रतिक्रिया