काठमाडौं । वैदेशिक रोजगारीका लागि अमेरिका पठाइदिने भन्दै रकम ठगी गरेको आरोपमा प्रहरीले एक महिलालाई पक्राउ गरेको छ। झापाको अर्जुनधारा नगरपालिका–११ स्थायी घर भई हाल ललितपुर महानगरपालिका–४ मा बसोबास गर्दै आएकी ३८ वर्षीया चन्द्रकला सापकोटा दाहाललाई पक्राउ गरिएको काठमाडौं उपत्यका अपराध अनुसन्धान कार्यालयका प्रवक्ता रामेश्वर कार्कीले जानकारी दिएका छन्।
दाहालले अमेरिका पठाइदिने आश्वासन दिँदै एक जनाबाट ६ लाख ३० हजार रुपैयाँ लिएकी तर पछि सम्पर्कविहीन भएकी थिइन्। पीडितले दिएको उजुरीका आधारमा प्रहरीले उनलाई पक्राउ गरी सार्वजनिक गरेको हो।
प्रहरीका अनुसार उनलाई ललितपुर महानगरपालिका–४ बाट पक्राउ गरी थप अनुसन्धान तथा आवश्यक कानुनी कारबाहीका लागि वैदेशिक रोजगार विभागमा पठाइएको छ।
प्रकाशित मिति: ८ फाल्गुन २०८२, शुक्रबार
प्रतिक्रिया