काठमाडौं । पोखरामा आयोजित सार्वजनिक बहस कार्यक्रममा सूर्यदर्शन सहकारीका पीडितले उम्मेदवारहरूसामु आफ्नो गुनासो राखेका छन्। एक पीडितले राष्ट्रिय स्वतन्त्र पार्टी (रास्वपा) की उम्मेदवार विना गुरुङलाई आफ्ना बच्चाको स्कुल बिल बुझाउँदै सहकारीमा डुबेको रकम फिर्ता गरिदिन आग्रह गरेका थिए।
कार्यक्रममा धेरै सहभागीले सहकारी ठगी प्रकरणमा रवि लामिछानेको संलग्नता र पार्टीको प्रतिबद्धतामाथि प्रश्न उठाए। उम्मेदवार गुरुङले भने आरोप राजनीतिक प्रतिशोध भएको दाबी गर्दै घोषणापत्रअनुसार १०० दिनभित्र विशेष कोष बनाएर न्यूनतम रकम फिर्ता गर्ने योजना रहेको बताइन्।
नेपाल कम्युनिष्ट पार्टी (एमाले)का उम्मेदवारले सहकारी ठगीमा संलग्न जोसुकैलाई कानुनी दायरामा ल्याउनुपर्ने बताए। कार्यक्रममा अन्य उम्मेदवारहरूले पनि ठूला दलहरूले सहकारी ठगलाई संरक्षण गरेको आरोप लगाए।
पोखरा क्षेत्रमा सहकारी समस्या गम्भीर बन्दै गएको र हजारौं बचतकर्ता प्रभावित भएको उल्लेख गरिएको छ।
प्रकाशित मिति: ९ फाल्गुन २०८२, शनिबार
प्रतिक्रिया