काठमाडौं । पर्सामा जारी कर्फ्यु आदेश हटाउँदै प्रशासनले निषेधाज्ञा लागू गरेको छ। सोमबार बसेको जिल्ला सुरक्षा समितिको निर्णयअनुसार अपराह्न ४ः३० बजेदेखि कर्फ्यु हटाइएको हो।
यद्यपि अवस्था पूर्ण रूपमा सामान्य नभएकाले वीरगञ्ज महानगरपालिकाका विभिन्न क्षेत्रमा बेलुकी ६ बजेदेखि भोलि बिहान ८ बजेसम्म लागू हुने गरी निषेधाज्ञा जारी गरिएको प्रशासनले जनाएको छ। उक्त अवधिमा कुनै प्रकारका भेला, सभा, जुलुस तथा प्रदर्शन गर्न नपाइने स्पष्ट गरिएको छ। आदेश उल्लङ्घन गर्ने व्यक्तिलाई नियन्त्रणमा लिएर कानुनअनुसार कारबाही गरिने चेतावनी पनि दिइएको छ।
आइतबार साँझ हिन्दु र मुस्लिम समुदायबीच झडप भएपछि भोला दाहालले कर्फ्यु आदेश जारी गरेका थिए।
प्रशासनले निषेधाज्ञा लागू गरिएको क्षेत्रभित्र शान्ति–सुरक्षा कायम राख्न सबैलाई संयमित रहन आग्रह गरेको छ।
निषेधाज्ञा लगाइएको क्षेत्र
प्रकाशित मिति: ११ फाल्गुन २०८२, सोमबार
प्रतिक्रिया