काठमाडौ । आसन्न निर्वाचनको सुरक्षा कार्यमा खटिएका थप एक अस्थायी (म्यादी) प्रहरीको मृत्यु भएको छ। मृतक हुन् बैतडी, मेलौली नगरपालिका–६ का ३८ वर्षीय राजेन्द्रप्रसाद भट्ट।
जिल्ला प्रहरी प्रवक्ता प्रहरी निरीक्षक सुरज सिंहका अनुसार, भट्ट इलाका प्रहरी कार्यालय मेलौलीमा कार्यरत थिए। ड्युटी सकेर घर फर्केपछि उनी एक्कासी बेहोस भएका थिए। बेहोस भएपछि उनलाई उपचारका लागि केशरपुर प्राथमिक स्वास्थ्य केन्द्र लगिएको थियो, जहाँ चिकित्सकले गएराति नै मृत घोषणा गरेका हुन्। घटनाबारे थप अनुसन्धान जारी छ।
यसअघि फागुन ८ गते दशरथचन्द नगरपालिका–४ का ३८ वर्षीय निर्वाचन प्रहरी महादेव वडको पनि मृत्यु भएको थियो। उनी खाना खान घर गएको समयमा अचेत अवस्थामा फेला परेका थिए र उपचारका लागि जिल्ला अस्पताल पुर्याउँदा मृत घोषित भएका थिए।
यस्तै, माघको तेस्रो साता दशरथचन्द नगरपालिका–४ का ३२ वर्षीय निर्वाचन प्रहरी प्रकाश चन्दको भिरबाट लडेर मृत्यु भएको थियो।
प्रकाशित मिति: १२ फाल्गुन २०८२, मंगलबार
प्रतिक्रिया