काठमाडौं । पूर्वप्रधानमन्त्री तथा नेपाली कांग्रेसका पूर्वसभापति शेरबहादुर देउवा स्वास्थ्य उपचारका लागि सिंगापुर प्रस्थान गरेका छन्।
त्रिभुवन विमानस्थल स्रोतका अनुसार, देउवा बुधबार सिंगापुर एयरलाइन्सको उडानमार्फत त्यहाँ पुगेका हुन्। देउवासँग अन्य केही व्यक्ति पनि सिंगापुर गएका छन्।
पार्टी विशेष महाधिवेशनबाट गगन थापाको नेतृत्वमा नयाँ समिति चयन भएपछि देउवा राजनीतिक रूपमा निष्क्रिय बस्दै आएका थिए। जेनजी आन्दोलनका क्रममा उनीमाथि कुटपिट पनि भएको थियो र त्यसपछिको उपचार सिंगापुरमै गरिएका थिए।
यस पटक देउवा उम्मेदवार नभएकाले चुनावको समयमा विदेश प्रस्थान गरेका हुन्। डडेल्धुराबाट कांग्रेसको टिकट यसपटक नैनसिंह महरले पाएका छन्।
प्रकाशित मिति: १४ फाल्गुन २०८२, बिहिबार
प्रतिक्रिया