काठमाडौँ । पूर्वी नेपालको सङ्खुवासभामा आज बिहान भूकम्पको झटका महसुस गरिएको छ। राष्ट्रिय भूकम्प मापन तथा अनुसन्धान केन्द्रका अनुसार बिहान ३ः१८ बजे ४.७ म्याग्निच्युडको भूकम्प गएको हो।
केन्द्रबिन्दु सङ्खुवासभाको टोप्के गोला नजिक रहेको बताइएको छ। यसको प्रभावले सङ्खुवासभा र ताप्लेजुङका विभिन्न गाउँ तथा बजार क्षेत्रमा कम्पन महसुस गरिएको थियो।
जिल्लाका सुरक्षा अधिकारीहरूले प्रारम्भिक रिपोर्टमा अहिलेसम्म कुनै मानवीय क्षति वा भौतिक संरचनामा क्षतिको सूचना प्राप्त नभएको जानकारी दिएका छन्।
प्रकाशित मिति: १५ फाल्गुन २०८२, शुक्रबार
प्रतिक्रिया