काठमाडौं । नेपाली कांग्रेस ले आज तीन स्थानमा विशेष चुनावी सभाको आयोजना गर्ने भएको छ । उक्त सभामा पार्टी सभापति गगनकुमार थापा र उपसभापति विश्वप्रकाश शर्मा लगायतका नेताहरू सहभागी हुने जनाइएको छ ।
कांग्रेसले बुटवल (रुपन्देही), बागलुङ र पोखरा (कास्की) मा आयोजना गर्ने चुनावी सभामा सभापति थापासहितका पदाधिकारीहरू सहभागी हुने बताइएको हो ।
पार्टीका अनुसार बिहान ११ बजे बुटवलमा सभा हुनेछ । दिउँसो १ बजे बागलुङमा र दिउँसो ३ बजे पोखरामा चुनावी सभा तय गरिएको छ ।
ती सभामा नेताहरूले समसामयिक राजनीतिक विषयमा सम्बोधन गर्नेछन् । साथै, ठूलो संख्यामा अन्य दलबाट पार्टी प्रवेश गराउने कार्यक्रमसमेत रहेको बताइएको छ ।
यसअघि सभापति थापाले सुर्खेत र बाँके मा आयोजित चुनावी सभालाई सम्बोधन गरेका थिए । सुर्खेतमा उपसभापति पुष्पा भुषाल गौतम सहभागी थिइन् भने उपसभापति शर्मा हिजो नवलपरासी पश्चिम मा रहेका थिए ।
प्रकाशित मिति: १५ फाल्गुन २०८२, शुक्रबार
प्रतिक्रिया