काठमाडौं । संयुक्त राज्य अमेरिकाले डिपोर्ट गरेका ९५ जना नेपाली नागरिक शनिबार बिहान त्रिभुवन अन्तर्राष्ट्रिय विमानस्थल, काठमाडौं आइपुगेका छन्।
चार्टर विमानमार्फत पठाइएका उनीहरू फागुन १६ गते बिहान करिब ८ बजे काठमाडौं अवतरण गरेका हुन्। विमानस्थलस्थित अध्यागमन कार्यालयका वरिष्ठ अध्यागमन अधिकृत अनुज भण्डारी का अनुसार एकैपटक यति ठूलो संख्यामा नेपालीलाई अमेरिकाले डिपोर्ट गरी नेपाल पठाएको यो पहिलो घटना हो।
यसअघि गत माघ ५ गते अमेरिकाले ९१ जना नेपालीलाई एकैदिन डिपोर्ट गरेको थियो। त्यस्तै पुस ३ गते ७५ जना तथा भदौ १९ गते ३७ जना नेपालीलाई पनि डिपोर्ट गरी नेपाल पठाइएको थियो।
प्रकाशित मिति: १६ फाल्गुन २०८२, शनिबार
प्रतिक्रिया