काठमाडौं। प्रतिनिधि सभा निर्वाचनका लागि प्रचार–प्रसारको समय सकिन अब तीन दिन मात्र बाँकी रहँदा नेपाली कांग्रेस का शीर्ष पदाधिकारीहरूको दौडधूप तीव्र बनेको छ।
विशेषगरी सभापति गगनकुमार थापा तथा उपसभापतिद्वय विश्वप्रकाश शर्मा र पुष्पा भुषाल गौतम को सक्रियता पछिल्ला दिनहरूमा उल्लेखनीय रूपमा बढेको छ।
यसै क्रममा उपसभापति पुष्पा भुषाल गौतमले आज शनिबार दुई जिल्लामा चुनावी सभालाई सम्बोधन गर्ने कार्यक्रम रहेको पार्टीले जनाएको छ। उनले नवलपुर र पाल्पा मा आयोजना हुने सभालाई सम्बोधन गर्नेछिन्।
नवलपुरको जलजले मा बिहान ११:३० बजे चुनावी सभा आयोजना गरिएको छ। त्यसैगरी पाल्पाको रामपुर मा आज साँझ ५:३० बजे चुनावी सभालाई सम्बोधन गर्ने कार्यक्रम रहेको उपसभापति भुषालले जानकारी दिएकी छन्।
प्रकाशित मिति: १६ फाल्गुन २०८२, शनिबार
प्रतिक्रिया