काठमाडौं । रुसी राष्ट्रपति भ्लादिमिर पुटिनले इरानका सर्वोच्च नेता आयतोल्लाह अली खामेनीको हत्याप्रति गहिरो दुःख व्यक्त गर्दै इरानी सरकार र जनताप्रति समवेदना प्रकट गरेका छन्।
रुसी सरकारी समाचार एजेन्सी ‘तास’का अनुसार राष्ट्रपति पुटिनले खामेनीको हत्या अत्यन्त निन्दनीय र अस्वीकार्य घटना भएको बताएका छन्।
उनले उक्त घटनाले मानवीय मूल्य, नैतिकता तथा अन्तर्राष्ट्रिय कानुनका आधारभूत सिद्धान्तहरूको गम्भीर उल्लंघन गरेको उल्लेख गर्दै यसको कडा शब्दमा भर्त्सना गरेका छन्।
मध्यपूर्व क्षेत्रमा अमेरिका र इजरायलको सैन्य हस्तक्षेपलाई लिएर रुसले यसअघि नै असन्तुष्टि व्यक्त गर्दै आएको सन्दर्भमा पुटिनको यो कडा प्रतिक्रिया सार्वजनिक भएको हो।
प्रकाशित मिति: १७ फाल्गुन २०८२, आइतबार
प्रतिक्रिया