काठमाडौं । जिल्लाको निर्वाचन क्षेत्र नम्बर ३ का स्वतन्त्र उम्मेदवार रामआधार कापर माथि कुटपिट भएको छ। जिल्ला प्रहरी कार्यालय का प्रहरी उपरीक्षक हेरम्ब शर्मा का अनुसार जलेश्वर नगरपालिका–७ मा अज्ञात समूहले गएराति उनीमाथि आक्रमण गरेको हो।
कुटपिटका कारण कापरको छाती, पिठ्युँ तथा शरीरका विभिन्न भागमा चोट लागेको छ। हाल उनको जनकपुर मा उपचार भइरहेको प्रहरीले जनाएको छ।
आक्रमणपछि उनले प्रहरी–प्रशासनलाई जानकारी गराएपछि प्रहरी टोली तत्काल पुगेर उनलाई उद्धार गरी अस्पताल पठाएको प्रहरी उपरीक्षक शर्माले बताए।
प्रहरी घटनास्थल पुगेपछि आक्रमणकारीहरू फरार भएका थिए। उनीहरूको खोजी कार्य अहिले पनि जारी रहेको प्रहरीले जनाएको छ।
प्रकाशित मिति: २१ फाल्गुन २०८२, बिहिबार
प्रतिक्रिया