काठमाडौं । दोलखाको तामाकोशी गाउँपालिकामा रहेको एक मतदान केन्द्रमा विवाद उत्पन्न भएपछि सुरक्षाकर्मीले स्थिति नियन्त्रणमा लिन हवाई फायर गरेका छन्।
जिल्ला प्रशासन कार्यालय दोलखाका सहायक प्रमुख जिल्ला अधिकारी औलाखबहादुर आलेका अनुसार तामाकोशी गाउँपालिका–४ स्थित मतदान केन्द्रमा केही व्यक्तिले मतदानमा खटिएका कर्मचारीमाथि हातपात गर्न खोजेपछि प्रहरीले चेतावनीस्वरूप हवाई फायर गर्नुपरेको हो।
उनका अनुसार सुरक्षाकर्मीले एक–दुई राउण्ड हवाई फायर गरेपछि स्थिति नियन्त्रणमा आएको छ। हाल उक्त क्षेत्रमा अवस्था सामान्य रहेको प्रशासनले जनाएको छ।
प्रकाशित मिति: २१ फाल्गुन २०८२, बिहिबार
प्रतिक्रिया