काठमाडौं। काठमाडौं क्षेत्र नम्बर १ को मतगणना अहिले राति १० बजेबाट सुरु हुने भएको छ । मतगणना बानेश्वरस्थित सहकारी प्रशिक्षण केन्द्रमा हुनेछ ।
काठमाडौं १ का निर्वाचन अधिकृत चुरमान खड्काका अनुसार, सर्वदलीय बैठकले राति १० बजेबाट मतगणना थाल्ने निर्णय गरेको हो ।
‘सर्वदलीय बैठक बस्यौँ । अब दश बजेबाट मतगणना सुरु हुन्छ,’ खड्काले भने ।
यो क्षेत्रमा मतदान सम्पन्न भएपछि मतपेटिका संकलन गरी मतगणना स्थलमा ल्याइसकिएको छ । सर्वदलीय सहमतिमा निर्धारित समयमा मतगणना प्रक्रिया अघि बढ्नेछ ।
प्रकाशित मिति: २१ फाल्गुन २०८२, बिहिबार
प्रतिक्रिया