काठमाडौं । अत्यधिक चासोको केन्द्रमा रहेको झापा निर्वाचन क्षेत्र नम्बर ५ मा राष्ट्रिय स्वतन्त्र पार्टी (रास्वपा) का उम्मेदवार बालेन्द्र शाह (बालेन) ले उल्लेखनीय अग्रता लिएका छन्।
दिउँसो १ बजेर १५ मिनेटसम्मको आधिकारिक मतगणना अनुसार बालेनले ५ हजार २५४ मत प्राप्त गरेका छन्। उनका प्रमुख प्रतिस्पर्धी नेकपा (एमाले) का उम्मेदवार तथा पूर्वप्रधानमन्त्री केपी शर्मा ओलीले १ हजार २४८ मत ल्याएका छन्।
यसैगरी नेपाली कांग्रेसकी उम्मेदवार मन्धरा चिमरिया १८७ मतसहित तेस्रो स्थानमा छन् भने नेपाली कम्युनिस्ट पार्टीका रञ्जित तामाङले १२९ मत प्राप्त गरेका छन्।
हालसम्मको मत परिणामअनुसार बालेनले ओलीमाथि करिब ४ हजार मतको फराकिलो अग्रता कायम गरेका छन्।
प्रकाशित मिति: २२ फाल्गुन २०८२, शुक्रबार
प्रतिक्रिया