काठमाडौं । भक्तपुर निर्वाचन क्षेत्र नम्बर २ मा राष्ट्रिय स्वतन्त्र पार्टी (रास्वपा)का उम्मेदवार राजीव खत्रीले मतगणनामा उल्लेखनीय अग्रता कायम राख्दै ११ हजार मत कटाएका छन्।
हालसम्मको मतपरिणाम अनुसार खत्रीले ११ हजार ४९ मत प्राप्त गरेका छन्। उनका निकटतम प्रतिस्पर्धी नेपाली कांग्रेसका उम्मेदवार कविर राणाले १ हजार ५०३ मत ल्याएका छन्। यस्तै नेकपा एमालेका उम्मेदवार महेश बस्नेत ३ हजार ११६ मत प्राप्त गरेका छन्।
एमालेका सचिव समेत रहेका महेश बस्नेत भने अघिल्लो प्रतिनिधिसभा निर्वाचन २०७९ मा नेपाली कांग्रेसका भक्तपुर सभापति दुर्लभ थापासँग पराजित भएका थिए। तर २०७४ सालको निर्वाचनमा भने उनी यही क्षेत्रबाट विजयी भएका थिए।
भक्तपुरमा २०३१ साल माघमा जन्मिएका बस्नेत २०४९ सालमा नेकपा एमालेको साधारण सदस्य बनेका थिए। त्यसयता पार्टीभित्र सक्रिय राजनीति गर्दै आएका उनी एमाले अध्यक्ष केपी शर्मा ओलीका निकट मानिने नेतामध्ये एक हुन्।
प्रकाशित मिति: २२ फाल्गुन २०८२, शुक्रबार
प्रतिक्रिया