डडेलधुरा । डडेलधुरामा ३४ वर्षदेखि कायम रहेको नेपाली कांग्रेसको किल्ला यसपटक समाप्त भएको छ। प्रतिनिधिसभा सदस्य निर्वाचनमा राष्ट्रिय स्वतन्त्र पार्टी (रास्वपा) का उम्मेदवार डा. ताराप्रसाद जोशी भारी मतान्तरसहित विजयी भएका छन्।
जोशीले नेपाली कांग्रेसका उम्मेदवार नैनसिंह महरलाई ७ हजार १० मतले पराजित गर्दै जित हात पारेका हुन्। उनले कुल १९ हजार १३१ मत प्राप्त गर्दा उनका निकटतम प्रतिस्पर्धी महरले १२ हजार १२१ मत पाए।
यसैगरी प्रतिस्पर्धामा रहेका नेकपाका उम्मेदवार मानसिंह मालले ६ हजार ८३४ मतसहित तेस्रो स्थान हासिल गरे। नेकपा एमालेका उम्मेदवार चक्र स्नेही भने ३ हजार २६ मत प्राप्त गर्दै चौथो स्थानमा सीमित भए।
प्रकाशित मिति: २३ फाल्गुन २०८२, शनिबार
प्रतिक्रिया