काठमाडौं। राष्ट्रिय स्वतन्त्र पार्टी (रास्वपा) का वरिष्ठ नेता तथा भावी प्रधानमन्त्रीका सम्भावित उम्मेदवार बालेन्द्र शाह ‘बालेन’ ले झापा निर्वाचन क्षेत्र नं ५ बाट फराकिलो मतान्तरले प्रतिनिधिसभा सदस्यमा विजयी भएका छन् ।
२१ फागुनमा सम्पन्न निर्वाचनमा बालेनले ६८ हजार ३४८ मत प्राप्त गरेका छन् । यो सङ्ख्या क्षेत्रमा हालसम्मकै सर्वाधिक मत हो । उनका निकटतम प्रतिस्पर्धी नेकपा (एमाले) का अध्यक्ष तथा पूर्वप्रधानमन्त्री केपी शर्मा ओलीले १८ हजार ७३४ मत ल्याएका छन् । दुवैबीच ४९ हजार ६१४ मतको विशाल अन्तर छ ।
बालेनको यो जितले काठमाडौंको मेयर पदबाट सांसद बन्ने यात्रालाई सफल बनाएको छ । झापा–५ मा मतदाताको उत्साहजनक सहभागिता रह्यो । मतगणना शान्तिपूर्ण तथा पारदर्शी रूपमा सम्पन्न भएको मुख्य निर्वाचन अधिकृतको कार्यालयले जनाएको छ । प्रमाणपत्र ग्रहण गरेपछि बालेनले मतदाता तथा समर्थकहरूलाई धन्यवाद ज्ञापन गर्दै परिवर्तन र विकासको पक्षमा मत खसाल्ने जनतालाई विशेष धन्यवाद दिएका छन् ।
यो जितले रास्वपाको प्रभावलाई राष्ट्रिय स्तरमा थप विस्तार गरेको छ । बालेनले अब संसदमा नयाँ शक्तिको प्रतिनिधित्व गर्दै प्रधानमन्त्री पदको दाबी गर्ने चर्चा पनि चुलिएको छ ।
प्रकाशित मिति: २३ फाल्गुन २०८२, शनिबार
प्रतिक्रिया