काठमाडौं । प्रतिनिधि सभा सदस्य निर्वाचन अन्तर्गत कैलाली–४ मा राष्ट्रिय स्वतन्त्र पार्टी (रास्वपा)का उम्मेदवार खेमराज कोइराला विजयी भएका छन्। उनले प्रतिद्वन्द्वीभन्दा १७,२५५ मतान्तरसहित जीत हासिल गरेका हुन्।
निर्वाचन अधिकृतको कार्यालयका अनुसार कोइरालाले २८,५५६ मत प्राप्त गरेका छन्। उनका निकटतम प्रतिस्पर्धी, नेपाली कांग्रेसका गोरख बहादुर विष्ट, ११,३०१ मतमा सीमित भएका छन्।
त्यस्तै, नेकपा (एमाले)का लेखराज भट्टले ९,४४४ मत, नेकपा उम्मेदवार हरिराम चौधरीले ५,६०९ मत, र राष्ट्रिय प्रजातन्त्र पार्टी (राप्रपा)का कमल रजवारले १,३५८ मत प्राप्त गरेका छन्।
कुल १,१५,१४३ मतदाता रहेको यस क्षेत्रमा प्रत्यक्षतर्फ ६१,९४१ मत खसेको थियो। तीमध्ये ३,६६५ मत बदर हुँदा ५८,२८३ मत सदर भएको निर्वाचन कार्यालयले जनाएको छ।
प्रकाशित मिति: २४ फाल्गुन २०८२, आइतबार
प्रतिक्रिया