काठमाडौं । श्रम संस्कृति पार्टीका अध्यक्ष हर्क साम्पाङले रास्वपालाई लक्षित गर्दै व्यङ्ग्यात्मक टिप्पणी गरेका छन् । सामाजिक सञ्जालमा लेख्दै उनले भनेका छन्, “अब ‘सुशासन कायम गर्दै भ्रष्टाचार गर्न आएको’ भन्नेहरूसँग कसरी बहस गर्ने होला ? सदनमा नि घण्टी लिएर आउलान् कि ! म नि नत्र एक डोको माटो लिएर जानु परो ।”
हर्कको यो अभिव्यक्ति रास्वपाका नेताहरूले उनलाई ‘भ्रष्टाचार गर्ने’ आरोप लगाएको सन्दर्भमा आएको हो । उनी रास्वपासँग सदनमा बहस गर्न तयार रहेको बताउँदै आफू माटो (जनताको प्रतिनिधित्व) लिएर आउने व्यङ्ग्य गरेका छन् ।
प्रतिनिधिसभा निर्वाचनमा हर्क साम्पाङले सुरुमा पछि परे पनि पछि फराकिलो अग्रता लिएका छन् । पछिल्लो मतपरिणामअनुसार उनले ३४,०६२ मत प्राप्त गरेका छन् भने रास्वपाकी गोमा तामाङले २३,४२५ मत ल्याएकी छन् । हर्कले १३ हजारभन्दा बढी मतान्तरसहित स्पष्ट अग्रता कायम गरेका छन् ।
यो क्षेत्रमा हर्कको जित नजिकिँदै जाँदा रास्वपाका समर्थकहरूले उनको व्यङ्ग्यप्रति तीव्र प्रतिक्रिया जनाएका छन् । हर्कले आफ्नो अभिव्यक्तिमा रास्वपालाई ‘नयाँ शक्ति’ भन्दै व्यङ्ग्य गरेका छन्, जसले चुनावी बहसलाई थप रोचक बनाएको छ । मतगणना जारी रहेकाले अन्तिम परिणाम आउन बाँकी छ ।
प्रकाशित मिति: २४ फाल्गुन २०८२, आइतबार
प्रतिक्रिया