काठमाडौं । जेनजी प्रदर्शन जाँचबुझ आयोगका पदाधिकारीहरू प्रतिवेदन बुझाउन सिंहदरबार पुगेका छन्।
पूर्वन्यायाधीश गौरीबहादुर कार्कीको नेतृत्वमा गठित उक्त आयोगले तयार पारेको प्रतिवेदन सुशीला कार्कीलाई बुझाउने तयारी गरिएको हो।
गत असोज ५ गते सरकारले भदौ २३ र २४ मा भएको जेनजी प्रदर्शनसम्बन्धी घटनाको छानबिन गर्न आयोग गठन गरेको थियो। आयोगमा पूर्व एआईजी विज्ञानराज शर्मा र कानुन व्यवसायी विश्वेश्वर भण्डारी सदस्यका रूपमा रहेका छन्।
उक्त आयोगले प्रदर्शनका क्रममा भएका घटनाक्रम, सुरक्षा अवस्था तथा त्यससँग सम्बन्धित विषयहरूको अध्ययन गर्दै प्रतिवेदन तयार पारेको बताइएको छ।
प्रकाशित मिति: २४ फाल्गुन २०८२, आइतबार
प्रतिक्रिया