कैलाली । कैलाली–२ निर्वाचन क्षेत्रमा राष्ट्रिय स्वतन्त्र पार्टी (रास्वपा) का २६ वर्षीय केपी खनाल प्रतिनिधि सभा सदस्यमा विजयी भएका छन्। उनले यहाँ १९ हजार ५७ मत प्राप्त गर्दै चुनाव जितेका हुन्।
निकटतम प्रतिस्पर्धी, नागरिक उन्मुक्ति पार्टीका पतिराम चौधरीले ११ हजार ९४९ मत ल्याउँदा खनालले ७ हजार १०८ मतको स्पष्ट अग्रता बनाए।
यसैगरी, नेकपा एमालेका सूर्यबहादुर थापाले ७ हजार ८८६ मत प्राप्त गरे भने नेपाली कांग्रेसका उम्मेदवार विजयबहादुर स्वाँरले ७ हजार २१३ मत ल्याए।
यसअघि कैलाली–१ मा रास्वपाकी कोमल ज्ञवाली, कैलाली–३ मा जगतप्रसाद जोशी, तथा कैलाली–४ र ५ मा क्रमशः खेमराज कोइराला र आनन्दबहादुर चन्द विजयी भएका छन्। यसले कैलाली जिल्लामा रास्वपाको बलियो प्रभुत्व झल्काएको छ।
प्रकाशित मिति: २४ फाल्गुन २०८२, आइतबार
प्रतिक्रिया