काठमाडौं । गोरखा जिल्लाको मनकामना मन्दिर दर्शन गरेर फर्किंदै गरेका यात्रु सवार विद्युतीय (ईभी) माइक्रोबस दुर्घटना हुँदा ७ जना भारतीय नागरिकको घटनास्थलमै मृत्यु भएको छ भने ८ जना घाइते भएका छन्।
प्रहरीका अनुसार माइक्रोमा जम्मा १५ जना भारतीय नागरिक सवार थिए। दुर्घटनापछि घटनास्थलमै ७ जनाको ज्यान गएको पुष्टि भएको छ। बाँकी ८ जनालाई उद्धार गरी उपचारका लागि अस्पताल लगिएको छ।
घाइतेमध्ये ७ जनाको आँबुखैरेनीस्थित अस्पतालमा उपचार भइरहेको छ भने गम्भीर अवस्थाका एक जनालाई थप उपचारका लागि भरतपुरस्थित अस्पतालमा रिफर गरिएको प्रहरीले जनाएको छ।
दुर्घटनाको कारणबारे अनुसन्धान भइरहेको प्रहरीले जनाएको छ।
प्रकाशित मिति: ३० फाल्गुन २०८२, शनिबार
प्रतिक्रिया