काठमाडौं । निर्वाचनबाट आरामदायी बहुमत प्राप्त गरेको राष्ट्रिय स्वतन्त्र पार्टी (रास्वपा)ले आज आफ्ना समानुपातिक सांसद हरुको टुंगो लगाउँदै छ । पार्टीको सचिवालय बैठक बसेर निर्वाचन आयोगले दिएको कोटा अनुसार सांसदहरु सिफारिस गर्न लागिएको हो ।
रास्वपाले समानुपातिकमा ५७ सिट जितेको छ, जसमा ४८ जना महिला र ९ जना पुरुष सांसदहरु निर्वाचन गर्नुपर्ने हुन्छ । समानुपातिक सांसद छनोटका लागि हिजो सचिवालय वैठक डाकिएको भए पनि सभापति रवि लामिछानेको अस्वस्थताका कारण आजका लागि सारिएको थियो । आज १०ः३० बजेबाट पार्टी कार्यालय घन्टीघरमा बैठक सुरु हुँदैछ ।
राष्ट्रिय मान्यताप्राप्त पाचौँ दल राष्ट्रिय प्रजातन्त्र पार्टी (राप्रपा)ले पनि समानुपातिक सांसदछान्न आजै कार्यसम्पादन समितिको बैठक डाकेको छ । पार्टी कार्यालयमा ११ बजेदेखि बैठक सुरु हुने महामन्त्री राजेन्द्र गुरुङले जानकारी दिए ।
प्रकाशित मिति: १ चैत्र २०८२, आइतबार
प्रतिक्रिया