एजेन्सी । इजरायलका लागि सूचनादाता (इनफर्मेन्ट) का रूपमा काम गरेको आरोपमा इरानले २० जनालाई पक्राउ गरेको छ । इरानको उत्तर पश्चिमी वेष्ट अजरबैजान प्रान्तमा ती व्यक्तिहरूलाई पक्राउ गरिएको हो ।
वक्तव्यमा ती व्यक्तिहरूले इरानका सैन्य, प्रहरी तथा सुरक्षा संरचनासम्बन्धी स्थानको विवरण इजरायललाई पठाएको आरोप लगाइएको छ । अभियोजक कार्यालयका अनुसार जायोनिस्ट शासनसँग सम्बन्धित भाडाका सञ्जालहरू विरुद्ध कारबाही गर्दै अदालतको आदेशमा २० जनालाई पक्राउ गरी हिरासतमा राखिएको हो ।
यसैबिच अन्तर्राष्ट्रिय समाचार संस्था रोयटर्सले गत साता प्रकाशित रिपोर्टमा इजरायलले इरानमाथि आक्रमणको नयाँ चरण सुरु गरेको र जमिनमा रहेका सूचनादाताबाट प्राप्त जानकारीका आधारमा सुरक्षा चौकीहरूलाई लक्षित गरिएको जनाएको थियो ।
प्रकाशित मिति: १ चैत्र २०८२, आइतबार
प्रतिक्रिया