काठमाडौं । प्रधानमन्त्री सुशीला कार्कीले जिल्ला प्रशासन कार्यालय काठमाडौं मा लागू गरिएको नयाँ सेवा प्रवाह प्रणालीको निरीक्षण गरेकी छन्।
सोमबार बबरमहल स्थित प्रशासन कार्यालय पुगेर प्रधानमन्त्री सुशीला कार्कीले सुशासन प्रवर्द्धन गर्ने उद्देश्यले सुरु गरिएको सेवा प्रवाहको नवीन मोडेलबारे जानकारी लिएकी हुन्। यस क्रममा उनले पब्लिक अनाउन्समेन्ट सिस्टम (सार्वजनिक सम्बोधन प्रणाली) सहित सञ्चालनमा ल्याइएको समग्र व्यवस्थाको अवलोकन गरिन्।
निरीक्षणका क्रममा प्रधानमन्त्री कार्कीले नागरिकलाई छिटो, सहज र प्रभावकारी सेवा उपलब्ध गराउन नयाँ प्रणाली उपयोगी हुने विश्वास व्यक्त गरिन्।
ईश्वरराज पौडेल, काठमाडौंका प्रमुख जिल्ला अधिकारीका अनुसार प्रधानमन्त्रीले नयाँ व्यवस्थामार्फत कार्यालय सञ्चालन र सेवा प्रवाह कसरी भइरहेको छ भन्ने विषयमा विस्तृत जानकारी लिएकी थिइन्।
पौडेलले नयाँ प्रणाली लागू भएपछि सेवाग्राहीको समय बचत हुनुका साथै सेवा लिन प्रक्रिया पनि सरल र व्यवस्थित भएको बताए।
उनका अनुसार सेवा प्रवाह सुधार गर्ने यो मोडेल अन्य सरकारी कार्यालयहरूमा पनि विस्तार गर्न सकिने सम्भावनाबारे प्रधानमन्त्रीले चासो व्यक्त गरेकी थिइन्।
निरीक्षण कार्यक्रममा ओमप्रकाश अर्याल सहित अन्य सरकारी अधिकारीहरू पनि सहभागी रहेका थिए।
प्रकाशित मिति: २ चैत्र २०८२, सोमबार
प्रतिक्रिया