काठमाडाैं । अर्जुननरसिंह केसी ले गगन थापा को राजीनामालाई गलत भएको प्रतिक्रिया दिएका छन्। शुक्रबार नेपाली कांग्रेस को केन्द्रीय कार्यसमिति बैठकअघि सञ्चारकर्मीसँग कुरा गर्दै उनले निर्वाचनको हार वा जितका आधारमा मात्र नेतृत्वको मूल्यांकन गर्नु उपयुक्त नहुने धारणा राखे।
अर्जुननरसिंह केसी का अनुसार “क्याप्टेन” भएर पार्टी र देश बदल्ने भनेर अघि बढेको व्यक्तिले बीचमै जिम्मेवारी छोड्नु उचित हुँदैन। उनले गगन थापाको भूमिकालाई त्यही सन्दर्भमा टिप्पणी गरेका हुन्।
केसीले पार्टी कार्यकर्तालाई निर्वाचन परिणामबाट नआत्तिन पनि आग्रह गरे। साथै, उनले राष्ट्रिय स्वतन्त्र पार्टी लाई स्थिरता, समृद्धि र विकासका लागि काम गर्न आग्रह गर्दै लोकतन्त्र संरक्षणमा कांग्रेसले सहयोग गर्ने बताए।
उनले पार्टीका पुराना कमजोरी र विसंगतिहरू छोटो समयमा समाधान नहुने भन्दै ५० दिनजस्तो छोटो अवधिमा ठूलो परिवर्तन अपेक्षा गर्नु व्यवहारिक नहुने टिप्पणी पनि गरे।
प्रकाशित मिति: ६ चैत्र २०८२, शुक्रबार
प्रतिक्रिया