काठमाडौं । प्रतिकूल मौसमका कारण त्रिभुवन अन्तर्राष्ट्रिय विमानस्थलमा विमान अवतरण सम्भव नभएपछि केही उडानहरू अन्यत्र मोडिएका छन्।
विमानस्थलका प्रवक्ता सन्तुष्टकुमार बस्नेतका अनुसार खराब मौसमका कारण पाँच वटा आन्तरिक र दुई वटा अन्तर्राष्ट्रिय उडान डाइभर्ट गरिएको हो।
आन्तरिक उडानतर्फ विराटनगरबाट आएका यति र बुद्धका जहाज पुनः विराटनगर फर्काइएका छन्। धनगढीबाट आएको श्री एयरको उडान पनि उतै फर्काइएको छ। भैरहवाबाट आएको बुद्धको विमान जनकपुर मोडिएको छ भने चन्द्रगढीबाट आएको अर्को उडान पनि त्यहीँ फर्काइएको छ।
अन्तर्राष्ट्रिय उडानतर्फ एयर इन्डियाको जहाज लखनउ र चाइना इस्टर्नको जहाज कोलकाता मोडिएको प्रवक्ता बस्नेतले जानकारी दिएका छन्।
मौसम अनुकूल नभएसम्म उडानमा अवरोध कायम रहने जनाइएको छ।
प्रकाशित मिति: ६ चैत्र २०८२, शुक्रबार
प्रतिक्रिया