काठमाडौं । श्रम संस्कृति पार्टीका अध्यक्ष हर्क साम्पाङ ले संसद १ घण्टा ७ मिनेट बोल्ने मन भएको बताएका छन् । निर्वाचित संसदको पहिलो बैठकमा दलगतरुपमा बोल्नेहरुको समय छुट्याएपछि साम्पाङले आफ्नो भनाई सार्वजनिक गरेका हुन् ।
दलगतरुपमा शुभकामना मन्तव्यका लागि उनले ७ मिनेटको मात्रै समय पाएका छन् । तर, हर्क साम्पाङ लाई देशको स्वाधीनता, सम्प्रभुता अनि नेपाली जनताको पीर व्यथा र विकासको आकांक्षाबारे १ घण्टा ७ मिनेट बोल्ने रहर छ ।
‘७ मिनेट मात्रै बोल्न दिने भन्ने खबर आयो । ७ मिनेट होइन १ घण्टा ७ मिनेट बोल्न मन छ’ साम्पाङले सामाजिक सञ्जालमा लेखेका छन्, ‘देशको स्वाधीनता, सम्प्रभुता अनि नेपाली जनताको पीर व्यथा र विकासको आकांक्षालाई लिएर ।’
प्रकाशित मिति: १९ चैत्र २०८२, बिहिबार
प्रतिक्रिया