काठमाडौं । पाकिस्तान सरकारले पेट्रोलियम पदार्थको मूल्यमा ठूलो वृद्धिको घोषणा गरेको छ। सरकारले पेट्रोलको मूल्य ४३ प्रतिशत र हाई–स्पीड डिजेलको मूल्य ५५ प्रतिशतले बढाएको छ।
सरकारका अनुसार यो मूल्य वृद्धिको मुख्य कारण इरान युद्धका कारण अन्तर्राष्ट्रिय बजारमा बढेका तेल मूल्य हुन्। देशका पेट्रोलियम मन्त्रीले भनेका छन्, ‘हाम्रो स्रोत सीमित छन् र तत्कालै युद्ध अन्त्य हुने कुनै संकेत देखिँदैन।’
पाकिस्तान मुख्य रूपमा आयातित तेलमा निर्भर रहेको छ र ठूलो मात्रामा तेल हर्मुज स्ट्रेट हुँदै ल्याउँछ। हालै इरानले यो मार्गमा अवरोध ल्याएको थियो। त्यसपछि पाकिस्तानले केही आफ्ना जहाजलाई सुरक्षित मार्गबाट इन्धन ल्याउने व्यवस्था मिलाउन सफल भएको थियो।
इरान युद्ध सुरु भएयता यो दोस्रो मूल्यवृद्धि हो। हाल पेट्रोल युद्धअघि भन्दा ७७ प्रतिशत र डिजेल ८७ प्रतिशत महँगो भएको छ। सरकारले केही उपभोक्ताका लागि अनुदान योजना पनि घोषणा गरेको छ।
पाकिस्तानका अर्थमन्त्री मोहम्मद औरंगजेबले भनेका छन्, ‘आर्थिक सीमितताका कारण सरकारले राहत दिन सक्ने क्षमता सीमित छ। राहत निश्चित हदसम्म मात्रै उपलब्ध हुनेछ र आवश्यक परे हप्तैपिच्छे समीक्षा गरेर समायोजन गरिनेछ।’
प्रकाशित मिति: २० चैत्र २०८२, शुक्रबार
प्रतिक्रिया