काठमाडौँ । नेकपा एमालेले कार्यवाहक अध्यक्ष रामबहादुर थापा (बादल)ले संसदमा दिएको अभिव्यक्ति सच्याएको जनाएको छ। शुक्रबार थापाकै अध्यक्षतामा बसेको केन्द्रीय सचिवालय बैठकले उक्त अभिव्यक्तिलाई संशोधन गर्ने निर्णय गरेको हो।
उपमहासचिव लेखराज भट्टका अनुसार राज्यका सबै सुरक्षा निकाय तथा अन्तर्राष्ट्रिय समुदायसँग पार्टीको सम्बन्ध पूर्ववत् र मित्रवत् नै रहेको स्पष्ट पारिएको छ।
यसअघि संसदमा सम्बोधन गर्ने क्रममा थापाले नेपाली सेना, कर्मचारीतन्त्र, कार्की आयोग, टिओबी, बारबरा फाउन्डेसन, एनजीओ लगायत संस्थाहरूको भूमिकाका कारण राष्ट्रिय स्वतन्त्र पार्टी (रास्वपा) ले अभूतपूर्व सफलता हासिल गरेको बताएका थिए।
प्रकाशित मिति: २० चैत्र २०८२, शुक्रबार
प्रतिक्रिया