काठमाडौं । सम्पत्ति शुद्धीकरण अनुसन्धान विभागले व्यवसायी अजेयराज सुमार्गीविरुद्ध पुनः अनुसन्धान अघि बढाएको छ।
विभागका स्रोतका अनुसार, सम्पत्ति शुद्धीकरण मुद्दामा अर्का व्यवसायी दीपक भट्ट पक्राउ परेपछि सुमार्गीमाथि पनि छानबिन तीव्र बनाइएको हो। प्रारम्भमा दुवैलाई सँगै कारबाही गर्ने योजना रहेको भए पनि हाल चरणबद्ध रूपमा अनुसन्धान अघि बढाइएको जनाइएको छ।
सुमार्गीमाथि विगतमा पनि अनुसन्धान सुरु भएको थियो, तर विभिन्न कारणले प्रक्रिया रोकिएको थियो। सर्वोच्च अदालतले यसअघि नै सम्पत्ति शुद्धीकरणसम्बन्धी अनुसन्धान अघि बढाउन निर्देशन दिइसकेको छ।
विभागले सुमार्गीको सम्पत्ति स्रोतबारे विस्तृत छानबिन गरिरहेको छ र अनुसन्धानका लागि टोली परिचालन गरेको छ।
प्रकाशित मिति: २२ चैत्र २०८२, आइतबार
प्रतिक्रिया