काठमाडौं । नारायणप्रसाद दाहालले राष्ट्रियसभा नियमावली, २०७५ अनुसार विषयगत समितिहरूमा सदस्यहरूको मनोनयन तथा पुनःव्यवस्था गरेका छन्।
अध्यक्ष नारायणप्रसाद दाहालले रेखाकुमारी झा, सम्झाना देवकोटा, जगत् तिमल्सेना, वासुदेव घिमिरे र महन्थ ठाकुरलाई विकास, आर्थिक मामिला तथा सुशासन समितिमा मनोनयन गरेका हुन्।
त्यसैगरी, रामकुमारी झाँक्री, प्रेमप्रसाद दङ्गाल, खम्मबहादुर खाती र गीता देवकोटालाई विधायन व्यवस्थापन समितिमा समावेश गरिएको छ।
सार्वजनिक नीति तथा प्रत्यायोजित विधायन समितिमा सोमनाथ बोर्तेल, मीना सिंह, सुनिलबहादुर थापा, चन्द्र केसी र रञ्जित कर्णलाई मनोनयन गरिएको छ।
यसैगरी, सङ्घीयता सुदृढीकरण तथा राष्ट्रिय सरोकार समितिमा लीलाकुमारी भण्डारी, रोशनी मेचे, ललितजङ्ग शाही र धर्मेन्द्र पासवानलाई जिम्मेवारी दिइएको छ।
यसैबीच, प्रधानमन्त्री बालेन्द्र शाहका तर्फबाट कानुन, न्याय तथा संसदीय मामिलामन्त्री सोविता गौतमले राष्ट्रिय महिला आयोगको आर्थिक वर्ष २०८१/८२ को वार्षिक प्रतिवेदन सभामा पेश गरेकी थिइन्।
राष्ट्रियसभाको अर्को बैठक भोलि दिउँसो १२ः१५ बजे बस्ने तय गरिएको छ।
प्रकाशित मिति: २२ चैत्र २०८२, आइतबार
प्रतिक्रिया