काठमाडौं। इरानले अमेरिका र इजरायललाई सर्वसाधारणलाई लक्षित गरेमा अझ “खतरनाक” प्रतिक्रिया दिने चेतावनी दिएको छ ।
इरानको सरकारी सञ्चारमाध्यमका अनुसार खातम अल-अन्बिया केन्द्रीय मुख्यालय (इरानको सर्वोच्च सैन्य कमाण्ड) का प्रवक्ताले भनेका छन्, “यदि सर्वसाधारणमाथि आक्रमण दोहोरियो भने, हाम्रा आगामी आक्रमण र प्रतिशोध पहिलेभन्दा बढी खतरनाक र ठूलो मात्रामा हुनेछन् ।”
यो चेतावनी इरानको इस्लामिक रिपब्लिक अफ इरान ब्रोडकास्टिङ मार्फत सार्वजनिक गरिएको हो ।
इरानको यो कडा चेतावनी अमेरिकी राष्ट्रपति डोनाल्ड ट्रम्पले मंगलबारसम्म होर्मुजको जलडमरूमध्य नखोल्ने हो भने अमेरिकाले इरानका विद्युत केन्द्र र पुलहरूमा आक्रमण गर्ने धम्की दिएपछि आएको हो ।
इरानले अन्तर्राष्ट्रिय समुदाय र सबै देशहरूलाई यस्तो भयानक युद्ध अपराध रोक्नु उनीहरूको कानुनी जिम्मेवारी भएको बताएको छ ।
यो घटनाक्रमले इरान र अमेरिका-इजरायलबीचको तनाव अझ बढ्दै गएको देखाएको छ ।
प्रकाशित मिति: २३ चैत्र २०८२, सोमबार
प्रतिक्रिया