काठमाडौं । सरकारले पेट्रोलियम पदार्थको आयातमा लाग्दै आएको करमा ठूलो राहत दिने निर्णय गरेको छ। मंगलबार बसेको मन्त्रिपरिषद् बैठकले डिजेल, पेट्रोल र मट्टितेलमा लाग्ने भन्सार महसुल तथा पूर्वाधार करमा ५० प्रतिशत छुट प्रदान गर्ने निर्णय गरेको हो।
बैठकपछि जानकारी दिँदै सङ्घीय मामिला तथा सामान्य प्रशासन मन्त्री प्रतिभा रावलले पेट्रोलियम पदार्थको आयात लागत घटाउने उद्देश्यले यस्तो निर्णय गरिएको बताइन्।
सरकारको यस कदमले इन्धनको मूल्य नियन्त्रणमा सहयोग पुग्ने र उपभोक्तालाई केही राहत मिल्ने अपेक्षा गरिएको छ।
प्रकाशित मिति: २४ चैत्र २०८२, मंगलबार
प्रतिक्रिया