काठमाडौं । अमेरिका र इजरायलले मंगलबार इरानका केही स्थानमा हमला गरेका छन् । सबैभन्दा ठूलो हमला खार्ग द्विपमा भएको छ । जुन इरानको सबैभन्दा ठूलो तेल निर्यात गर्ने स्थान हो । जहाँबाट इरानको ८० देखि ९० प्रतिशत कच्चा तेल निर्यात हुन्छ ।
यसैक्रममा कोम शहर र काशानमा पनि पुललाई निशाना बनाएर हमला गरिएको छ । काशाननजिकै यहयाबाद रेलवे पुलमा भएको हमलामा दुई जनाको मृत्यु भएको छ भने तीन जना घाइते भएका छन् । योबाहेक उत्तर–पश्चिमी इरानको तबरिज–जंजान हाइवेमा पनि पुलमा भीषण हमला भएको छ ।
यसअघि अमेरिकी राष्ट्रपति ट्रम्पले अमेरिकी समयअनुसार मंगलबार राति ८ बजेसम्म होर्मुज स्ट्रेट खुला नगरे अत्यावश्यक नागरिक भौतिक संरचनामा हमला गर्ने धम्की दिएका थिए ।
पछिल्ला हमलाको जवाफमा इरानले पनि इजरायल र खाडी देशमा हमला गरेको छ । इरानले यूएईको टेलिकममा हमला गरेको छ । इरानले यसअघि नै इरानका भौतिक संरचनालाई निशाना बनाए अब चुप नबस्ने धम्की दिइसकेको छ । उसले अमेरिका र उसका सहयोगी देशलाई निशाना बनाएर हमला गर्ने बताएको छ ।
प्रकाशित मिति: २४ चैत्र २०८२, मंगलबार
प्रतिक्रिया