काठमाडौं । संघीय संसदका दुवै सदनको बैठक आज बस्दैछ। तय कार्यसूचीअनुसार प्रतिनिधिसभाको बैठक दिउँसो १ बजे सिंहदरबारमा सुरु हुनेछ।
बैठकमा प्रधानमन्त्री वालेन्द्र शाहले ‘राष्ट्रिय प्राकृतिक स्रोत तथा वित्त आयोगको सातौँ वार्षिक प्रतिवेदन, २०८२’ पेस गर्ने कार्यसूची रहेको छ। त्यसैगरी, अर्थमन्त्री डा. स्वर्णिम वाग्लेले ‘वैकल्पिक विकास वित्त परिचालन विधेयक, २०८२’ प्रस्तुत गर्नेछन्। सो विधेयक अघि बढाउन अनुमति माग्ने प्रस्ताव पनि पेश गरिनेछ। साथै, सभामुखले राष्ट्रपतिको कार्यालयबाट प्राप्त मन्त्रिपरिषद्को मर्यादाक्रम हेरफेरसम्बन्धी पत्र वाचन गर्ने कार्यक्रम छ।
उता, राष्ट्रियसभाको बैठक दिउँसो १ः१५ बजे बस्नेछ। उक्त बैठकमा प्रधानमन्त्री शाहले ‘अख्तियार दुरुपयोग अनुसन्धान आयोगको आर्थिक वर्ष २०८१/८२ को वार्षिक प्रतिवेदन’ सभासमक्ष पेश गर्ने कार्यक्रम रहेको छ।
प्रकाशित मिति: २५ चैत्र २०८२, बुधबार
प्रतिक्रिया