काठमाडौं। हाँस्य कलाकार तथा मोडल सागर लम्साल (बले) लाई जिल्ला प्रशासन कार्यालय काठमाडौंले ५ दिन हिरासतमा राखेर अनुसन्धान गर्न प्रहरीलाई अनुमति दिएको छ ।
अमेरिकामा बस्ने एक किशोरीले बलात्कार आरोप लगाएपछि शनिबार बूढानीलकण्ठबाट पक्राउ परेका बलेलाई अभद्र व्यवहारसम्बन्धी मुद्दामा ५ दिन हिरासतमा राख्न अनुमति दिइएको हो ।
प्रहरीका अनुसार ती किशोरीले सामाजिक सञ्जाल फेसबुकमार्फत करिब एक वर्षअघि बलेले आफूमाथि जबरजस्ती करणी गरेको आरोप लगाएकी थिइन् ।
जिल्ला प्रशासन कार्यालयले दिएको ५ दिनको हिरासत अवधिमा प्रहरीले घटनाको विस्तृत अनुसन्धान गर्ने भएको छ ।
यो विषयमा थप अनुसन्धान भइरहेको प्रहरीले जनाएको छ ।
प्रकाशित मिति: २५ चैत्र २०८२, बुधबार
प्रतिक्रिया