काठमाडौं । भोजपुरको षडानन्द नगरपालिका–१३ निवासी २४ वर्षीय सम्मरबहादुर तामाङको हत्या प्रकरणमा संलग्न रहेको आरोपमा प्रहरीले चार जनालाई पक्राउ गरेको छ।
केन्द्रीय प्रहरी समाचारकक्षका अनुसार सोही नगरपालिका–१४ बेखम्चाका २१ वर्षीय सुनिल राई, ४४ वर्षीय चन्द्रकुमार राई, २७ वर्षीय सुरज राई र २६ वर्षीय राजेश दर्जीलाई बुधबार नियन्त्रणमा लिइएको हो।
स्थानीयले तामाङलाई कुटपिट गरी हत्या गरिएको जानकारी दिएपछि प्रहरी चौकी बोयाँबाट खटिएको टोलीले उनीहरूलाई पक्राउ गरेको जनाइएको छ।
प्रकाशित मिति: २६ चैत्र २०८२, बिहिबार
प्रतिक्रिया