काठमाडौं । नवनियुक्त दुई मन्त्रीहरूले शपथ ग्रहण गरेका छन्।
राष्ट्रपति निवास शीतलनिवासमा आयोजित विशेष समारोहमा राष्ट्रपति रामचन्द्र पौडेलले गौरीकुमारी यादव र रामजी यादवलाई मन्त्री पदको शपथ गराएका हुन्।
प्रधानमन्त्री बालेन्द्र शाह (बालेन) ले शुक्रबार उनीहरूलाई मन्त्री नियुक्त गरेका थिए। उनले रामजी यादवलाई श्रममन्त्री र गौरीकुमारी यादवलाई मन्त्रीको जिम्मेवारी दिएका हुन्।
यसअघि हिजो मात्र श्रम मन्त्रालय सम्हालिरहेका दिपक साहलाई प्रधानमन्त्री शाहले पदमुक्त गरेका थिए। उद्योग मन्त्रालयको जिम्मेवारी भने प्रधानमन्त्री शाहले आफैं सम्हाल्दै आएका छन्।
रामजी यादव सप्तरी–२ बाट निर्वाचित सांसद हुन् भने गौरीकुमारी यादव महोत्तरी–४ बाट प्रतिनिधित्व गर्ने सांसद हुन्।
प्रकाशित मिति: २७ चैत्र २०८२, शुक्रबार
प्रतिक्रिया