नवनियुक्त गृह र कानुनमन्त्री अर्यालद्वारा पदभार ग्रहण
काठमाडौं । नवनियुक्त गृह तथा कानुनमन्त्री ओमप्रकाश अर्यालले सोमबार मन्त्रालयमा पुगेर पदभार ग्रहण गरेका छन्। यसअघि उनले आजै राष्ट्रपति रामचन्द्र पौडेलबाट शीतल निवासमा आयोजित समारोहमा पद तथा गोपनीयताको शपथ लिएका थिए। अधिवक्ता समेत रहेका अर्यालले जेन–जी आन्दोलनको क्रममा सहजकर्ताको भूमिकामा पनि सक्रिय सहभागिता जनाएका थिए।
