शिक्षकहरूले संगठन खोल्न नपाउने कुरा पनि विधेयकमा लेख्नुपर्छ: चन्द्र भण्डारी
काठमाडौं । नेपाली कांग्रेसका सांसद चन्द्र भण्डारीले शिक्षकहरूलाई संघ–संस्था खोल्न नपाउने प्रावधानसमेत विद्यालय शिक्षा सम्बन्धी विधेयकमा समावेश गर्नुपर्ने बताएका छन्। प्रतिनिधि सभाअन्तर्गतको शिक्षा, स्वास्थ्य तथा सूचना प्रविधि समितिको बिहीबार बिहानको बैठकमा बोल्दै उनले शिक्षकहरूलाई केवल राजनीतिमा मात्र संलग्न हुन रोक्ने व्यवस्था पर्याप्त नहुने टिप्पणी गरे।
