मुख्यमन्त्रीको शपथमा निवर्तमान मुख्यमन्त्री सिंह पनि सहभागी
काठमाडौं । मधेस प्रदेशका निवर्तमान मुख्यमन्त्री सतिशकुमार सिंह नयाँ मुख्यमन्त्री जितेन्द्रप्रसाद सोनार ‘सोनल’को शपथग्रहण समारोहमा सहभागी भएका छन् । यसअघि सिंहले आफूलाई शपथग्रहणमा निम्तो नआएको भन्दै सार्वजनिक रूपमा असन्तुष्टि व्यक्त गरेका थिए । तर, अन्तिम समयमा निम्तो प्राप्त भएपछि उनी समारोहमा उपस्थित भएका हुन् ।
