काठमाडौं । नेपाल समाजवादी पार्टीका अध्यक्ष एवं पूर्वप्रधानमन्त्री डा. बाबुराम भट्टराईले सत्ता गठबन्धनलाई बलियो बनाए मात्र संविधानको रक्षा हुने बताएका छन् । शुक्रबार काठमाडौं निर्वाचन क्षेत्र नम्बर–१ मा घरदैलो कार्यक्रममा सहभागी उनले यस्तो बताएका हुन् ।
काठमाडौं–१ बाट नेपाली कांग्रेसका नेता प्रकाशमान सिंह प्रतिनिधिसभा सदस्य पदको उमेदवार छन् । उनी सत्ता गठबन्धनका साझा उमेदवार हुन् । डा. भट्टराई सिंहको सोही घरदैलो कार्यक्रममा सहभागी भएर उनका पक्षमा मत मागे । उनको पार्टी सत्ता गठबन्धनमा आबद्ध छ ।
आसन्न निर्वाचनमा गठबन्धनका उमेदवारहरू विजयी भएमा मात्र संविधानको रक्षा र प्रतिगमनकारीलाई रोक्न सकिने डा. भट्टराईको भनाइ छ । उनले सिंह योग्य र स्वच्छ छविको व्यक्ति भएको भन्दै मत दिन आग्रह गरे ।
प्रकाशित मिति: २५ कार्तिक २०७९, शुक्रबार
प्रतिक्रिया