काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई थुनामा पठाउने अदालतको आदेशपछि पार्टीभित्र गम्भीर छलफल सुरु भएको छ।
हाल काठमाडौंमा रहेका पार्टीका शीर्ष नेताहरू आपसी परामर्शका लागि आकस्मिक बैठकमा सहभागी भएका छन्। पार्टी सचिवालयका एक वरिष्ठ नेताका अनुसार, उत्पन्न परिस्थितिलाई सम्बोधन गर्न तथा आगामी रणनीति तय गर्न बैठक बोलाइएको हो।
यसैबीच, रास्वपाले चितवनमा भोलीका लागि तय गरेको ‘जनयात्रा शुभारम्भ’ कार्यक्रम अब अन्योलमा परेको छ। सो कार्यक्रममा सभापति लामिछानेले महत्वपूर्ण सम्बोधन गर्ने तयारी गरेका थिए।
उच्च अदालत तुलसीपुरको बुटवल इजलासले लामिछानेलाई थुनामा राख्न आदेश दिएको हो। न्यायाधीशद्वय रमेश ढकाल र स्विकृती पराजुलीको संयुक्त इजलासले जिल्ला अदालत रूपन्देहीको पुरानो आदेश उल्ट्याउँदै उनलाई थुनामा पठाउन निर्देशन दिएको हो।
प्रकाशित मिति: २१ चैत्र २०८१, शुक्रबार
प्रतिक्रिया