काठमाडौं । नेपाल राष्ट्र बैंकका नवनियुक्त गभर्नर विश्वनाथ पौडेलले पद तथा गोपनीयताको शपथ ग्रहण गरेका छन्।
बुधबार बिहान सर्वोच्च अदालतमा आयोजित समारोहमा प्रधान न्यायाधीश प्रकाशमानसिंह राउतले गभर्नर पौडेललाई शपथ गराएका हुन्।
यसअघि अर्थमन्त्री विष्णु पौडेलको संयोजकत्वमा रहेको गभर्नर सिफारिस समितिले विश्वनाथ पौडेलसहित तीन जनाको नाम सिफारिस गरेको थियो। सिफारिसअनुसार मंगलबार साँझ बसेको मन्त्रिपरिषद्को बैठकले पौडेललाई गभर्नरमा नियुक्त गर्ने निर्णय गरेको थियो।
प्रकाशित मिति: ७ जेष्ठ २०८२, बुधबार
प्रतिक्रिया