काठमाडौं । न्यायपरिषद्ले सर्वोच्च अदालतका लागि तीन जना न्यायाधीश सिफारिस गरेको छ। मंगलबार सम्पन्न बैठकले वरिष्ठ अधिवक्ता मेघराज पोखरेल, उच्च अदालत जनकपुरका प्रमुख न्यायाधीश श्रीकान्त पौडेल र उच्च अदालत दिपायलका प्रमुख न्यायाधीश शान्तिसिंह थापालाई सर्वोच्च अदालतका न्यायाधीश पदका लागि सिफारिस गरेको हो।
वरिष्ठ अधिवक्ता पोखरेल नेपाल बार एशोसिएसन, सर्वोच्च अदालत इकाइका अध्यक्ष समेत हुन्। न्याय सेवामा पौडेल २०५० साउन १ गते प्रवेश गरेका थिए भने थापा २०७० जेठ २७ गतेदेखि सेवा प्रारम्भ गरेका थिए।
सर्वोच्च अदालतमा हाल चार न्यायाधीशको पद रिक्त रहँदा उक्त सिफारिसपछि अब एक मात्र पद रिक्त रहेको छ। सिफारिस भएका व्यक्तिहरूको नाम संसदीय सुनुवाइ समितिमा पठाइनेछ। समितिबाट अनुमोदन भएपछि उनीहरू सर्वोच्च अदालतका न्यायाधीशका रूपमा नियुक्त हुनेछन्।
प्रकाशित मिति: २७ जेष्ठ २०८२, मंगलबार
प्रतिक्रिया