काठमाडौं । पूर्वराजा ज्ञानेन्द्र शाहले नेपाली बन्नका लागि केवल नेपालमा जन्मिनु पर्याप्त नहुने बताएका छन्।
आफ्नो ७९औँ जन्मदिनको अवसरमा निर्मल निवासमा सञ्चारकर्मीहरूसँग कुराकानी गर्दै उनले “नेपाल” भन्ने भावनात्मक चेतना हरेक व्यक्तिको मनभित्र हुनुपर्ने बताए।
“हामी नेपालमा जन्मिएको मात्र आधारमा नेपाली हुँदैनौं, नेपाल हाम्रो मन र आत्मामा बस्नुपर्छ,” पूर्वराजा शाहले भने, “नेपाल र नेपालीका लागि प्रार्थना गर्ने समय हो यो।”
त्यस अवसरमा शाहले हाल वर्षा भइरहेकाले बाढीपहिरो लगायतका सम्भावित जोखिमप्रति सतर्क रहन पनि आमजनलाई आग्रह गरे ।
प्रकाशित मिति: २३ असार २०८२, सोमबार
प्रतिक्रिया